Târi noh 06/02/ 2023 zâlâ dawh 2 pata MTP Gen Hqrs Refugee Managing Board nata Doctors without Borders India (DWBI) Ltd zyta MTP Office lia hriaparaona MoU rona ama hnei.
MTP Refugee Board Chairman Puhpa Israel Chozah (Gen Secy) chhithana ry liata Board member nata DWBI vyutuahpa Puhpa Prakash Tha Project Co-ordinator & Ls Tracy V Chozah, Liaison Officer zy he daihti he ama hlao. MTP Refugee Board la tawhta agreement terms & conditions proposal taopa cha DWBI lâ tawh chhaota pha ama tahpa vâta agreement he ropa a châ. He agreement liana heta DWBI staff lana ky liata a râh leilôsaw khokhei via awpa nata construction works a ypa liata a râh leilô saw first priority pie awpa ky zy a hlao pah hra.
He hleikhôpa ta hmiala daihti liata refugee dei châ leipa ta Mara thyutlia deichhy a ngiah viapazy deichhy nawpa ky chhao hmala khoh awpa peimaw zie reipa a châ hra.
DWBI he international agency châ ei ta khizaw râh 70 hlei liata baongiahpazy deichhyna raih ama hria. India state nano nanopa liata ama hria hleikhô ta Mizoram liata cha Burma râh buana vâta a vae râpa Refugee zy deichhyna raih ama vaw hria. Siaha district liata cha Water supply, sanition & medical lâchhâ he ama raihria pi chaipa a châ.
